mantede limpa a ría!

Vaia! A un grupo de profesores dunha escola de Vigo non se lle ocorreu mellor cousa que para "celebrar" o mar e concienciar aos seus novos alumnos do respecto que lle hai que ter ao medio ambiente, levar a un grupo de nenos nun barco para soltar unhas botellas con mensaxes nas que se convida a quen as atope ir ver a exposición que fixeron os nenos na escola coa temática do mar. A ver se pensan un pouco e buscan outro xeito de atraer a atención da xente para que vaia á exposición, que a Ría de Vigo xa ten de por si bastante merda con tódolos vertidos que nela se producen!

inseminator

Serían quen vostedes de exacular durante unha xornada laboral cada 30/40 minutos? Un ex-presiadiario polonés vén de pedir unha indemnización por ditos excesos.

soños húmidos

Atópome con Clotaire cando estou a facer tándem. Únese á conversa que manteño coa miña compañeira. Clotaire vén dunha conferencia de Santiago Carrillo. Está totalmente alterada. Seica non parou de chorar mentres se fotograban xuntos cun dos seus ídolos máis importantes. A miña compañeira de tándem flipa un pouco cos xestos tan "vivos" e a linguaxe xesticulada da Clotaire. Falamos de cómics, de estadías no estranxeiro, do galego dende o punto de vista dos galegos e estranxeiros.
Chegan as 15h. e Clotaire e máis eu dirixímononos á parada do bus que nos ha devolver á civilización asfaltada. Cargo co petate que leva ata o bus, a pobre non pode con tanta cousa que leva enriba; aínda por riba está a chover. Montamos no bus. Clotaire pídeme emprestado o móbil para facer unha perdida a un colega seu. O individuo en cuestión non capta as indirectas e dígolle que lle mande unha mensaxe para que a chame ao meu teléfono. Milagre! Pasados 5 minutos soa o móbil. Clotaire está a planear unha fin de semana de pinamentos no monte co seu boliño doce.
Despedímonos ao chegarmos á parada. Cóntolle os meus plans para a fin de semana, que vou ir ao teatro. Clotaire mófase da miña fin de semana de intelestual. Pensa, de súbito di... "Non irás ver Hamlet con Luís Tosar?" "Si." Agárrame polo pescozo e móveme de adiante a atrás. "Mátote! É o meu ídolo sexual!" Eu río. Dígolle que a min tamén me gusta. A verdade é que non lle quitei o ollo de enriba dende que o vin por primeira vez en Mareas Vivas. Non sei, desprende un magnetismo que embriaga o meu senso; o seu xeito de actuar, o seu físico tan viril... A súa voz grave e masculina. Se é que está para comelo de calquera look: super viril (dereita), malote (centro) e tamén o de macho galego (esquerda). Aisss... Hei mollar as bragas de novo! ;D

cando o "freak" roza o "jackass"

O sábado de Entroido a Queen convidoume a ir con ela a un concerto punk no Glin-Gló. Tocaban Puta Miseria, Hachazo e máis os Ondas de Rebelión .O concerto comeza cos Ondas de Rebelión, interesante proposta musical. Interesante tamén era o look troglodita da cantante, a cal animaba á xente a bailar, que aínda estaba un chisco apagada. Mais a verdade é que daban ganas de ir comezando a aquecer os músculos botando. Logo chegan os Puta Miseria. Queen, que os coñecía, convenceume para ir ver a súa posta en escena. A verdade é que son moi espectaculares. O concerto deu comezo, ao pouco saíu un tipo (o cal se observa nesta imaxe sen calidade), un showman pedalando nunha bicicleta pouco máis grande ca un triciclo, vestido cunha capa, uns slips manchados por diante e por detrás, e máis un xustillo. Espectacular! O individuo vai mudando os disfraces ao longo da actuación. Deleitounos co Bigote Facha Vallisoletano, O Paparatzi, a Nancee Alcaldesa, traballador da factoría de automóbiles Zitronë , entroutros... Tirounos caramelos de eucalipto, cueiros, fotos de algúns políticos indesexables como os previamente mencionados... A hostia! Dende logo non deixan indeferente a ninguén, entre as letras incendiarias que teñen (hihihi!) e os shows que fan, coido que non teñen parangón e non me estraña que teñan o éxito que teñen.
Seguiu a actuación dos Hachazo, os cales estiveran facendo unha breve sesión de spánking durante a actuación dos do Morraso. Non podo entrar a xulgalos, marchamos de pericas ao comezaren a tocar.

ao que lle proe allos roe

Va fan culo!

Por detrás mola más!

Queren ler algo realmente freak? Fagan clic aquí.