Touché!

Tocado e afundido! Si, donas e cabaleir@s! Aínda que parecía imposible, houbo alguén que conseguiu superar o imposible. Un audaz reporteiro do programa CQC conseguiu que ao tocarlle a man ao "ilustre" (???) presidente da comunidade autónoma galega nunha viaxe a Montevideo... o Presi tocase un condón!!! Oh, my goodness! Que atrevemento! Que ousadía! Que audacia! Que Oscar lle daba eu ao reporteiro!
E como é sabido polos habitantes do Reino de España (ehm... vale, só por aqueles que fan uso dos seus miolos e están conectados á realidade) o presidente da comunidade galega vangloriase, con actitude de macho viril, de non ter usado... ben, mellor habería que dicir, "tocado", un condón na súa vida. Para que vexan queridos fregueses que os milagres si existen!
Iso si, hai que protestar polo trato que se lle deu ao pobre reporteiro por parte da policía, que o apartou violentamente espois de que o reporteiro tentase voltar falar con F. Ah, é que non se nos esqueza a frase tan cortés coa que F. despachou ao xornalista: "Váyase usted al carajo!" Aisss... Un poquito de por favor... Dende logo... Que mal saber perder e que pouco glamour!